Siglir tar il cuntegn

Header

La chanzliera tudestga angela merkel riva a l'inscunter suprem da l'UE.
Legenda: Ella è ina da las persunas centralas - la chanzliera tudestga angela merkel riva a l'inscunter suprem da l'UE. Keystone
cuntegn

Exteriur Discordia a Brüssel – la ruta dal Balcan na saja betg serrada

Da circuls diplomatics è vegnì ditg, ch’ils 28 stadis da l’Uniun Europeica n’èn betg d’accord davart ina formulaziun en la decleraziun finala tar lur inscunter suprem. La passascha contestada pertutga la uschenumnada ruta dal Balcan.

Ils schefs da stadis e regenzas dals 28 pajais da l’UE tractan cun la Tirchia a Brüssel, co impedir a las millieras da fugitivs da vegnir en Europa. Suenter vul l’UE decider co vinavant.

Il primminister Ahmet Davutoglu riva a l’inscunter suprem da l’UE a Brüssel.
Legenda: La Tirchia en il center da l’interess - il primminister Ahmet Davutoglu riva a l’inscunter suprem da l’UE a Brüssel. Keystone

Tenor il minister da l’exteriur austriac vegnan ils cumpigliads a sa cunvegnir, da serrar la ruta dal Balcan per ils fugitivs. Perquai vegn l’agid per la Grezia a vegnir in punct central en las trattativas.

La ruta dal Balcan e la passascha contestada

In glindesdi a bun’ura era vegnì enconuschent, che la declaraziun duai cuntegnair ina passascha, che la “ruta dal Balcan” saja serrada. Cun quella formulaziun na sajan dentant la chanzliera tudestga Angela Merkel ed il president da la cumissiun da l’UE, Jean-Claude Juncker, betg cuntents.

I na giaja betg per quai, da serrar cunfins, vegn Angela Merkel citada curt avant il cumenzament da l’inscunter.

RR novitads 06:00

sda/ij

Artitgels legì il pli savens

Nach links scrollen Nach rechts scrollen