Il schef da la regenza serba Aleksandar Vucic ha appellà a la Croazia, da puspè avrir ils 7 posts da cunfins tranter ils 2 pajais. Sche la Croazia lascha serrads ils posts, alura stoppia era la Serbia reagir e proteger il pajais, ha ditg Vucic.
Avant avevan represchentants da la regenza croata appellà a la Serbia da betg pli charrar fugitivs als cunfins, alura possian ils passagis da cunfin puspè vegnir averts.
La Serbia admonescha era, ch’ils donns per l’economia dal pajais muntia a milliuns.
RR Novitads 06:00