Discurs d’atom: Dira lutga per ina cunvegna

Il minister dal exteriur franzos Laurent Fabius ha pretendi dal Iran da far concessiuns en las contractivas d’atom a Losanna. Sco Fabius ha ditg a las medias sajan ins mo pli paucs meters avant l’arrivada, mo quels sajan ils pli grevs.

Il minister da l'exteriur iranais Mohammed Dschawad Sarif protegì da ses bodyguards. Bild in Lightbox öffnen.

Legenda da maletgs: Malgrà ch'il termin per ina cunvegna è scadi cuntinueschan ils discurs d'atom cun l'Iran. Keystone

Ins vegnia a preschentar novas propostas a l'Iran, ha ditg il minister da l'exteriur tudestg Frank-Walter Steinmeier. El vegnia almain a restar enfin gievgia a Losanna.

Il pledader dal president american Barack Obama ha fatg a savair ch'ins haja anc adina il sentiment ch'ils discurs fetschian progress. Tenor il minister da l'exteriur iranais Mohammed Dschawad Sarif dependia ina cunvegnia ussa da la veglia politica da las pussanzas grondas.

Dapi emnas contractescha l’Iran cun ils 5 pajas da veto da las Naziuns Unidas e la Germania per schliar il conflict d’atom. Per l’Iran è l’interess grond da schliar las sancziuns da l’ONU, per ils stadis dal vest èsi impurtant d’impedir che l’Iran possia construir armas atomaras.

RR novitads 06:00