Siglir tar il cuntegn
Inhalt

Exteriur Discurs da coaliziun stagneschan pervi da migraziun

L'emprima runda da discurs da coaliziun è ida a fin. La migraziun chaschuna anc adina grondas discussiuns.

Purtret da Martin Schulz ed Andrea Nahles.
Legenda: Martin Schulz, president da la SPD ed Andrea Nahles, presidenta da la fracziun da la SPD bandunan suenter lungs discurs da coaliziun il bajetg. Keystone

Er suenter discurs tranter las partidas CDU, CSU e SPD che han cuzzà fin tard la notg na datti anc nagin accord. Gist la dumonda sche fugitivs cun in status da segirezza limità pon laschar vegnir suenter lur famiglias chaschuna ch'ils discurs stagneschan.

I saja dentant avant maun ina ferma veglia per chattar soluziuns, ha ditg il mainagestiun da la CDU/CSU glindesdi a bun'ura. Las partidas han mess la finamira da finir ils discurs da coaliziun enfin gievgia.

RR novitads 06:00