Siglir tar il cuntegn
cuntegn

Exteriur Discurs da sondagi per regenza nova

En il Danemarc han cumenzà ils discurs da sondagi per ina regenza nova. Il liberal Lars Lokke Rasmussen sto tschertgar partenaris per ina coaliziun da maioritad suenter ch'el ha gudagnà las elecziuns.

Lars Loekke Rasmussen
Legenda: Il liberal Lars Lokke Rasmussen sto uss ir a la tschertga da partenaris per ina coaliziun da maioritad. Keystone

L'anteriur primminister dal Danemarc vul discutar cun trais autras partidas davart ina regenza burgaisa. Las partidas èn dentant fitg in ord l'auter davart las pretensiuns, en spezial las tractativas cun la Partida populara dal Danemarc pudessan esser difficilas. Questa partida ha gudagnà ils pli blers mandats en las elecziuns parlamentaras.

Avant era la regenza socialdemocrata da la primministra Helle Thorning-Schmidt betg vegnida reelegida. Thorning-Schmidt aveva annunzià sinaquai sia demissiun sco scheffa dals Socialdemocrats.

RR novitads 16:00