Suenter la victoria electorala da la partida regenta AKP en la Tirchia, fatschenta la dumonda d'ina refurma da la constituziun. Il primminister tirc e president da l’AKP, Ahmet Davutoglu ha appellà a l'opposiziun en il parlament d'elavurar ensemen ina nova constituziun.
La finamira da l’AKP è da cuntanscher en la Tirchia in sistem presidial. Quel dess al president Recep Tayyip Erdogan in tant dapli plenipotenzas ch'enfin uss. Tenor resultats inuffizials vegn l’AKP en il parlament nov sin 315 da 550 sezs e po cunquai reger persula. Per midadas da la constituziun fissan dentant almain necessarias 330 vuschs, a l’AKP mancan pia anc 15 vuschs.
