Siglir tar il cuntegn

Header

Xi Jinping.
Legenda: Sch'i saja necessari vegnia la China dentant er a rebatter, ha ditg il president da la China Xi Jinping. Keystone
cuntegn

Dispita commerziala China vul in sa cunvegnir cun ils Stadis Unids

La China saja vinavant interessada da terminar la dispita economica cun ils Stadis Unids. Uschia è s'exprimì il president chinais Xi Jinping. Ses pajais veglia lavurar per realisar cunvegnas, ha el ditg ad in'occurenza. Sch'i saja necessari vegnia la China dentant er a rebatter. Ses pajais n'haja betg cumenzà la guerra commerziala e na veglia er betg quella. Ina cunvegna stoppia dentant er fitgar pe sin respect ed egualitad in per l'auter.

Il president american Donald Trump sa vilenta tranter auter dal grond deficit en il commerzi cun la China. El renfatscha plinavant a Peking manipulaziun da valutas, restricziuns per interpresas da l'exteriur sco er enguladitsch da proprietad spiertala. Perquai ha el chargià dazis spezials sin rauba chinaisa – la China ha reagì cun mesiras sumegliantas.

RR novitads 11:00