Siglir tar il cuntegn

Header

Navigaziun

cuntegn

Dispita da commerzi USA/China Emprima runda dals discurs è a fin

Represchentants dals Stadis Unids e da la China han terminà l'emprima runda da discurs pervi da la dispita da commerzi tranter ils dus pajais. Detagls da quest inscunter da 90 minutas n'èn betg vegnids enconuschent. Planisà è ch'ils discurs cuntinueschan venderdi.

Stadis Unids auzan dazis da multa cunter la China

A mesanotg han ils Stadis Unids auzà ils dazis spezials sin imports chinais da 10 sin 25% en in volumen da 200 milliardas dollars. La China ha annunzià cuntramesiras, numna dentant nagins detagls. Ordaifer ils discurs è vegnì enconuschent che la regenza americana ha refusà al concern da telecommunicaziun chinais China Mobile l'access al martgà american pervi da suspect da spiunascha.

RR novitads 06:00