Dispita da gas tranter l’Ucraina e la Russia s’intensivescha

L’interpresa d’energia russa Gazprom ha smanatschà da vulair restrenscher las furniziuns da gas per l’Europa.

In lavurant da Gazprom controllescha ina lingia che maina gas en l’Ucraina. Bild in Lightbox öffnen.

Legenda da maletgs: In lavurant da Gazprom controllescha ina lingia che maina gas en l’Ucraina. Keystone

Las furniziuns per l’Ucraina vegnian fermadas ils proxims 2 dis, sche l’Ucraina na paja betg anticipà las furniziuns, scriva Gazprom. Ed uschia sajan era las furniziuns per il vest periclitadas.

Pervi da dispitas davart il pretsch da gas e facturas avertas, aveva la Russia gia bloccà la stad passada la furniziun da gas per l’Ucraina. Pir la fin dal onn aveva la Russia puspè avert la spina da gas per l’Ucraina, suenter che l’Ucraina era sa mussada pronta da pajar ina part dals daivets, e da far pajaments anticipads.

Var in terz dal gas che l’Europa dovra, deriva da la Russia. E circa la mesadad vegn manada tras l’Ucraina en il vest.

RR Novitads 17:00