Siglir tar il cuntegn

Header

cuntegn

Dispita da taglias a fin UE stritga Svizra da glista grischa

L’Uniun europeica renconuscha las stentas da la Svizra en il cumbat cunter defraudants da taglia. Perquai han decis ils ministers da finanzas da l’UE da stritgar la Svizra da sia glista grischa tar lur inscunter a Luxemburg. Quai han circuls da l'UE confermà a l'agentura da novitads Keystone/SDA.

En ina communicaziun ha il Secretariat da stadi per dumondas finanzialas internaziunalas (Sif) gia beneventà la decisiun da l'Uniun europeica.

Dispita dapi 10 onns

Uschia po la Svizra trair in stritg sut la dispita da taglias cun l'Uniun europeica ch'ha cuzzà passa 10 onns. Suenter la crisa da finanzas aveva l'UE prendì en mira la Svizra. Perquai ch'ina emprima emprova da midar la lescha da taglia sin interpresas aveva fatg naufragi avant dus onns era la Svizra vegnida sin la glista grischa.

Dasper la Svizra duajan er l’Albania e la Serbia vegnir stritgadas da la glista. Vinavant sin la glista restian però las Bahamas, las Inslas Cayman e la Tirchia.

RR novitads 10:00