Siglir tar il cuntegn

Header

cuntegn

Dispita giuridica en l'USA Credit Suisse paja ad acziunaris pervia da collaps da «Archegos»

La banca Credit Suisse pudess bainprest reglar ina dispita giuridica en ils Stadis Unids. La banca saja sa cunvegnida da pajar ina multa da 32,5 milliuns dollars. La CS haja cugliunà ses acziunaris ed acziunarias en connex cun la qualitad da ses management da risico, uschia il plant dals acziunaris.

Tranter auter vai per la participaziun da la banca tar il hedgefonds american «Archegos». Per definitivamain reglar la dispita, sto anc ina dretgira a New York dar ses consentiment.

Bill Hwang avant la dretgira a New York ils 27 d'avrigl 2022.
Legenda: Bill Hwang avant la dretgira a New York ils 27 d'avrigl 2022. Reuters

Suenter il collaps dal hedgefonds «Archegos» ha la banca fatg ina perdita da 5,5 milliardas dollars. Il manader e possessur dal hedgefonds Bill Hwang è vegnì arrestà suenter il collaps pervia da fraud e fatschentas criminalas. Er l'UBS ha pers 774 milliuns dollars.

audio
RTR novitads da las 10:00
ord RTR Audio dals 19.09.2022.
laschar ir. Durada: 2 minutas 36 Secundas.

RTR novitads 10:00

Artitgels legids il pli savens