La polizia federala FBI ha declerà, ch'ins haja cun l'agid da terzas persunas probablamain chattà ina via per survegnir las datas da telefonin er senza il permiss da Apple. I duria in temp per examinar, sch'il proceder funcziuneschi vairamain.
La dispita tranter ils Stadis Unids e Apple va sur da datas d'in telefonin ch'in dals attentaders da San Bernardino aveva duvrà. Apple refusa da dar ora las datas per motivs da la protecziun da datas. Sch’els dettian ora datas alura sajan tut las datas d’utilisaders da telefonins d’Apple periclitadas, argumentescha il concern.
RR novitads 06:00