Siglir tar il cuntegn

Header

Valdis Dombrovskis
Legenda: Valdis Dombrovskis, il vice-president da la cumissiun da l'UE. Reuters
cuntegn

Exteriur Dombrovskis avertescha il pievel grec

Il vice-president da la cumissiun da l’Uniun europeica ha admonì il pievel grec avant in na al referendum che vegn en votaziun dumengia. Cun dir na al referendum na vegnia la posiziun da la Grezia per contractivas betg meglierada, il cuntrari saja il cas, uschia Valdis Dombrovskis.

La cumissiun da l’UE saja pronta da contractar cun la Grezia era sch’ella refusia il program da spargn e da refurmas, las contractivas vegnian dentant pli difficilas, ha accentuà il vice-president da la cumissiun Dombrovskis.

Il prim-minister grec Alexis Tsipras propona al pievel grec vinavant da dir na al referendum. E quai cun l’argument che la Grezia megliereschia sia posiziun en las contractivas.

Mainis equilibrads

Ils aderents dal referendum ed ils adversaris dal referendum en Grezia en pressapauc en l’equiliber. Quai mussa ina retschertga d’ina gasetta grecca. La gronda part da las persunas dumandadas vulan restar en la zona dal euro.

RR novitads 06:00 / 08:00

Artitgels legids il pli savens

Scrollar a sanestra Scrollar a dretga