Siglir tar il cuntegn

Exteriur Donald Trump è per las sancziuns pli severas cunter la Russia

Il president dals Stadis Unids haja approvà il sboz da lescha correspundent davart las sancziuns pli severas cunter la Russia. Quai ha communitgà la Chas’alva.

Purtret Donald Trump
Legenda: Pervia da la decisiun da Trump less la Russia uss trametter a chasa diplomats americans ch’èn en Russia. Keystone

La gievgia aveva il congress american approvà las sancziuns cun gronda maioritad ed uschia procurà per reacziuns viladas da Moscau. Ma er l’Uniun europeica crititgescha las sancziuns. Quellas pericliteschian il provediment d’energia da l’Europa.

Las novas sancziuns cunter la Russia pertutgan numnadamain en emprima lingia il sectur d’energia ch’è d’impurtanza centrala per il pajais.

RR novitads 06:00