Donald Trump renconuscha Jerusalem sco chapitala da l'Israel

Il president american ha renconuschì uffizialmain Jerusalem sco chapitala da l'Isarael e vul era far midada cun l'ambassada americana da Tel Aviv a Jerusalem.

 Las bandieras da l'Israel e dals Stadis Unids sin il mir da la citad veglia da Jerusalem. Bild in Lightbox öffnen.

Legenda da maletgs: En l'Israel vegn la decleraziun dal president american beneventada. Keystone

Quai ha Donald Trump communitgà mesemna durant in pled a Washington DC.
Avant quest pass avevan per exempel l'Uniun europeica e la Germania sco era blers pajais muslims admonì Trump. Quest pass pudess numnadamain puspè fugar il conflict tranter Palestinais ed Israelis.

Reacziuns negativas da l'entir mund

Plirs pajais ed er organisaziuns han reagì cun critica sin la decisiun dal president american. Da la Tirchia sur l'Egipta fin tar politichers da la Germania e da la Frantscha ed er dal secretari general da las Naziuns Unidas, Antonio Guterres èn las reacziuns vegnidas.

Il president franzos Emannuel Macron ha numnà la decisiun da Trump, ina decisiun senza senn da responsabladad. Per Antonio Guterres na dettia quai nagina alternativa tar la varianta da dus pajais per schliar il conflict en il proxim orient. Ed il ministeri da l'exteriur egipzian ha refusà en ina decleraziun ils plans da far midada cun l'ambassada americana da Tel Aviv a Jerusalem. Per il ministeri da l'exteriur da l'Iran cuntrafan quests plans schizunt a resoluziuns internaziunalas. Dal medem avis è er il president dals Palestinais Mahmud Abbas.

RR novitads 20:00