El haja incaricà il ministeri da commerzi d'examinar, sch'ils imports d'autos influenzeschian la segirtad naziunala dals Stadis Unids, ha ditg Trump. Auts dazis da fin 25% pudessan tutgar fermamain l'industria d'autos, en spezial quella en la Germania. Ils Stadis Unids èn suenter la China il segund grond cumprader d'autos tudestgs.
I dettia indizis che mussian ch'ils imports da l'exteriur donnegeschan gia dapi decennis l'industria d'autos indigena. Quai ha ditg il minister da commerzi dals Stadis Unids Wilbur Ross. Ses ministeri vegnia ad intercurir la chaussa a moda exacta, faira e transparenta.
RR novitads 06:00