Siglir tar il cuntegn
cuntegn

Exteriur Donaziun da 200 milliuns dollars per il MoMa a NewYork

Il museum d’art modern a New York MoMa survegn ina donaziun da 200 milliuns dollars, quai da la famiglia industriala Rockefeller, communitgescha il museum.

Entrada museum d'art New York.
Legenda: Il museum d'art a New York ha survegnì da la famiglia Rockefeller ina da las pli grondas donaziuns ch’i ha fin ussa dà. Keystone

I sa tracta da la pli gronda donaziun ad in museum ch’i ha dà insacura.
Ils Rockefellers èn anc pli stads mecens dal museum d’art a New York. Gia il 2005 aveva il patriarch David Rockefeller, ch'è en il fratemp mort, pajà al museum 100 milliuns dollars. Plinavant ha el regalà al museum maletgs prezius da Picasso, Gauguin, Matisse e Cézanne. La mamma da Rockefeller tutgava tar la fundatura dal museum d'art.

Lavurs da renovaziun

Il museum vegn a pudair duvrar bain questa gronda donaziun. Sco i ha num vegn il museum a serrar questa stad las portas per quatter mais. Ils custs per las lavurs da renovaziun vegnan stimads sin 400 milliuns dollars.

RR novitads 15:00