Siglir tar il cuntegn

Header

Fugitivs en la staziun principala da Kopenhagen.
Legenda: Dapi l’atun passà èn blers fugitivs arrivads en il Danemarc. (archiv 10.9.2015) Keystone
cuntegn

Exteriur Dretg d'asil en il Danemarc vegn pli rigurus

Per la segunda giada ha il parlament danais discutà davart midadas da la lescha. Las novas reglas prevesan tranter auter da confiscar objects da valur e facultad da fugitivs.

Las midadas lubeschan tranter auter d’intercurir la bagascha da fugitivs e da confiscar valurs che surpassan ina valita da var 1’500 francs. Uschia vulan las autoritads almain cuvrir ina part dals custs ch'ils fugitivs chaschunan. Vairas ed ulteriurs objects da valur persunala n’èn betg pertutgadas da questas reglas.

Plinavant duajan las reglas per la reuniun da famiglias vegnir pli rigurusas. L’approvaziun finala da la nova lescha è previsa per ils 26 da schaner. Quests plans han provocà ferma critica internaziunala.

RR Novitads 16:00

Artitgels legids il pli savens

Scrollar a sanestra Scrollar a dretga