La Dretgira d'appellaziun a Paris ha declerà sco valaivla in'acziun da spiunadi cunter il politicher. Ils advocats da Sarkozy han però annunzià da vulair trair enavant il cas al Tribunal suprem.
Sin basa da telefons tranter Sarkozy e ses advocat ch'eran vegnids tadlads giu, era vegnida instradada ina procedura d'inquisiziun cunter el. Sarkozy duai avair empruvà da corrumper in procuratur dal Tribunal suprem, per vegnir tar infurmaziuns davart ina procedura nua ch'el sez era involvì.
RR Novitads 12:00