Il manader dals republicans en il senat, Mitch McConnel, ha annunzià curt suenter la mort da Ginsburg ch'il candidat ch'il president Donald Trump nomineschia survegnia ina votaziun en il senat.
Il 2016 – l'onn da las ultimas elecziuns – avevan ils republicans sez anc stgaffì il principi ch'il senat na duaja betg eleger il candidat per il Supreme Court avant ch'il nov president saja saramentà. Uschia avevan ils republicans bloccà avant quatter onns il candidat dal president da lura, Barack Obama.
La dretgira suprema, cun nov derschaders e derschadras, gioga ina rolla impurtanta per il curs dals Stadis Unids. Ella contrahescha davart temas dispitaivels sco l'abort, il dretg d'armas, l'egualitad u er l'immigraziun. Sche Trump nominass il derschader vegniss quel a francar la maioritad conservativa en il Supreme Court ed uschia ad influenzar sur onns la vita politica e sociala en ils Stadis Unids.