Dretgira taliana renconuscha tumor entras handy

Sco emprima dretgira sin il mund ha la dretgira taliana ad Ivrea (nord da l'Italia) confermà ch'il telefonar cun handy saja la raschun per in tumor dal tscharvè. La dretgira ha renconuschì il plant d'in pazient ch'aveva stuì telefonar bler cun ses handy per sia lavur.

in um telefonescha sin via Bild in Lightbox öffnen.

Legenda da maletgs: Tenor ina dretgira taliana chaschuna il telefonin in tumor. Keystone

Pervia da ses donn da l'udida irreparabel duai l'um ussa survegnir da l'assicuranza d'accident 500 euros per mais.

L'um pertutgà ha ditg ch'el na veglia betg diabolisar la telefonia mobila, ils nizzegiaders duain dentant far patratgs davart ils ristgs. Tenor sias atgnas indicaziuns haja el durant 15 onns telefonà mintgadi trais fin quatter uras cun ses telefonin. La finala haja el gì l'impressiun che sia ureglia saja stuppada. L'onn 2010 è vegnì constattà in tumor benign.

RR novitads 06:00