Siglir tar il cuntegn

Exteriur Dublegiar investiziuns en tecnoligias ecologicas fin 2020

A la conferenza davart il clima a Paris vulan 20 stadis preschentar in’iniziativa cuminaivla per investir dapli en tecnologias ecologicas.

In implant atomar en Germania.
Legenda: Tranter ils pajais sa chattan era ils Stadis Unids da l'America e la China. La Svizra na fa betg part da l'iniziativa. Keystone

Ils 20 pajais èn s'obligads avant la conferenza da dublegiar las investiziuns en la perscrutaziun ed il svilup ils proxims 5 onns.

Finamira: ina maschaida d'energia schubra

La finamira èsi da sviluppar novas tecnologias per in «mix d’energia schuber, pajabel e fidà», ha annunzià la Chas’alva a Washington. Il glindesdi duai il project «Mission Innovation» vegnir preschentà a l’ur da la conferenza dal clima.

A medem mument vulan era investiders privats s'unir per promover tecnologias innovativas, tranter auter era il fundatur da Microsoft Bill Gates.

RR novitads 06:00

Tge pajais fan part?

Ils suandants pajais fan part da l’iniziativa:

Arabia Saudita, Australia, Brasilia, Canada, Chile, China, Danemarc, Emirats Arabs Unids, Frantscha, Germania, Gronda Britannia, India, Indonesia, Giapun, Corea dal Sid, Mexico, Norvegia, Stadis Unids da l’America, Svezia.