Exteriur - Dumber da fugitivs sa reducescha en Svezia
Suenter che la Svezia ha puspè introducì controllas als cunfins è il dumber dals fugitivs en il nord-ost da la Germania sa reducì per passa la mesadad.
Questa notg hajan anc radund 400 persunas passentà la notg a Rostock. Il di avant eran quai anc bun 1000 persunas communitgescha la polizia tudestga.
Ier sajan plirs fugitivs vegnids refusads tar la cumpra da bigliets per la navetta, quai pervi ch'els n'avevan nagins documents. La gievgia ha la Svezia puspè introducì las controllas da cunfin per almain 10 dis.
