Exteriur - Dumber da fugitivs senza scolaziun crescha
Il dumber da fugitivs che na frequentan betg ina scola è creschì entaifer in onn per 500'000. En total na frequentan sin l'entir mund quatter milliuns uffants da fugitivs nagina scola.
Quai resulta d'in rapport da l'Ovra d'agid per fugitivs UNHCR. Radund la mesadad dals 25 milliuns fugitivs sin l'entir mund èn uffants – e da quests radund set milliuns en la vegliadetgna da scola. Quasi tut ils fugitivs giuvens sa chattan en pajais da svilup che dovran sustegn finanzial permanent.
