13 da quellas han pers lur vita en consequenza d'accidents da traffic sin via. Ulteriuras 4 persunas èn mortas da far ora naiv e duas pervi d'ina sfradentada, communitgeschan las autoritads.
Bunamain record da naiv a New York
Il stemprà ha paralisà quasi l'entira vita publica a la costa da l'ost. Tenor il servetsch meteorologic n'haja darar navì uschè ferm en las metropolas Washington e New York – il traffic public na funcziuna betg u mo parzialmain.
En l’ultima citad, il «big apple», hai dà fin 68 centimeters naiv. Quai èn be 3 millimeters damain ch'il 1869 - fin qua il pli ferm stemprà da naiv, rapporta la «New York Times».
Stadi d'urgenza
2'200 commembers da la garda naziunala èn stads en acziun durant la fin d'emna. I ha dà plirs millis accidents da traffic. En 11 stadis ed en la chapitala èsi vegnì proclamà il stadi d'urgenza.
Er il provediment cun electricitad è stà interrut. En l'entir territori dal stemprà èn dapli che 220'000 persunas stadas pertutgadas da quai. Ed en intgins territoris datiers da costas hai dà inundaziuns.
RR novitads 09:00 / 20:00
