Exteriur - Dumber da record: 200’000 fugitivs da bartga en in mais
L'october han uschè blers fugitivs da bartga sco anc mai traversà la Mar Mediterrana. Cun 220’000 persunas sajan quai tantas sco durant l'entir onn passà. Quai communitgescha l'ovra d'agid per fugitivs da las Naziuns Unidas, UNHCR.
Quai saja il pli aut dumber da fugitivs da bartga che saja insacura vegnì registrà en in mais.
Mez october quintava l'ovra d'agid anc che radund 500’000 fugitivs da bartga arrivian fin la fin da l'onn en Grezia. Sche quest dumber sto danovamain vegnì curregì, n'è betg cler.
