Exteriur - Dumber dals morts en il Himalaya crescha
Il dumber dals morts dal terratrembel posteriur en il Himalaya è creschì sin almain 83. Ins quinta dentant cun ulteriurs morts, damai che numerusas bovas èn idas a val ed han sutterrà abitadis.
Sulettamain en il Nepal èn passa 1’900 persunas vegnidas blessadas, ha ditg la polizia a Kathmandu. Il terratrembel posteriur da mardi ha gì ina fermezza da 7,3, entant che la fermezza dal terratrembel grond avant pass 2 emnas vegn inditgà cun 7,8. Lez aveva chaschunà la mort da passa 8’000 persunas.
