Siglir tar il cuntegn

Header

Navigaziun

Regenza dals Stadis Unids.
Legenda: Donlad Trump na vul savair nagut d'ina terrada. La regenza na midia betg intenziun, els fetschian tut pussaivel dad anc obtegnair questas datas. Keystone
cuntegn

Dumbraziun dal pievel 2020 Trump renunzia sin dumonda davart la naziunalitad

  • Tar la proxima dumbraziun dal pievel en ils Stadis Unids l'auter onn, na ston ils umans betg inditgar lur naziunalitad.
  • Quai ha il president american Donald Trump annunzià.
  • Enstagl veglia la regenza dar l’incumbensa a tut ils ministeris ed autoritads federalas da rimnar datas davart la naziunalitad.

Donald Trump reagescha uschia sin plants da pliras organisaziuns e stadis federativs. Quels teman che migrants na sa laschian betg dumbrar, sch’els stuessan inditgar lur naziunalitad. Sin basa da las dumbraziuns vegnan numnadamain partids or ils sezs en il parlament american sco era sustegn finanzial. Sch'ils migrants na prendan betg part a la dumbraziun, lura pudess in stadi federal obtegnair pli pauc sustegn e sezs en il parlament, che quai ch'el avess atgnamain dabun.

Dapi il 1790 vegn la populaziun dumbrada mintga 10 onns. Tar l’ultima dumbraziun il 2010 n'han ins betg fatg la dumonda davart la naziunalitad.

RR novitads 06:00