Exteriur - Dunna Svizra gia per la segunda giada rapinada en il Mali
En il Mali è ina dunna svizra vegnida rapinada per la segunda giada. Quai communitgescha l'armada dal pajais. Il Departament federal per affars exteriurs ha communitgà ch'il rapiment saja enconuschent.
La represchentanza svizra haja contact cun las autoritads localas. La Svizra viva dapi intgins onns a Timbuktu, en il nord dal Mali, e lavura là sco missiunara. Gia l'avrigl 2012 èra ella vegnida rapinada. Suenter 9 dis els mauns d’Islamists era ella alura vegnida laschada libra. La cundiziun era dentant ch’ella na vegnia betg pli a missiunar en il Mali e ch’ella na returni betg pli en il Timbuktu surtut betg per missiunar.
