Siglir tar il cuntegn

Header

Duas munaidas.
Legenda: 76% dals fugitivs sirians en il Libanon vivan da pli pauc che quatter euros il di. Keystone
cuntegn

Exteriur Dus da trais fugitivs vivan da main quatter euros

76% fugitivs sirians vivan en il Libanon en povradad ed han a disposiziun main che 3,84 dollars al di. E radund 90% dals povers han debits.

Passa la mesadad da las chasadas (58%), viva en povradad extrema. Vul dir da pli pac che 2,87 dollars per persuna al di, admonescha l’Autcumissariat da las Naziuns Unidas per ils fugitivs UNHCR en ses rapport.

In radi da speranza è tenor il UNHCR però la quota en il champ da furmaziun: 70% dals uffants sirains tranter sis e 14 onns van a scola en il Libanon. Quai è 20% dapli che l'onn passà. Dentant fineschan mo 12% era la scola.

En il Libanon vivan passa in milliun fugitivs. La populaziun indigena munta a quatter milliuns.

RR novitads 09:00

Artitgels legids il pli savens

Scrollar a sanestra Scrollar a dretga