Siglir tar il cuntegn

Header

cuntegn

Exteriur Dus ministers e schef dal servetsch secret macedon sa retiran

Suenter ch'i ha dà grevs cumbats en la Macedonia èn 2 ministers ed il schef dal servetsch secret sa retratgs. Quai ha in pledader da la regenza communitgà mardi saira envers l’agentura da novitads AFP.

La ministra da l’intern Gordana Jankuloska, il minister da transport Mile Janakieski ed il schef dal servetsch secret Saso Mijalkov han inoltrà lur abdicaziun. Il primminister Nikola Gruevski haja acceptà las demissiuns.

Trair las consequenzas

La fin d'emna avevi dà en la citad da Kumanovo cumbats tranter Albanais armads e la polizia. 22 persunas èn vegnidas mazzadas e 37 blessadas. A la ministra da l'intern han ins sinaquai renfatschà grevs sbagls tar l'acziun da la polizia.

Entant datti adina dapli vuschs che din che la regenza haja inscenà ils cumbats. Ils Albanais n'erian betg terrorists, mabain mercenaris.

RTR novitads 8:00

Artitgels legids il pli savens