Siglir tar il cuntegn

Exteriur Dus morts tar sajettim a Toronto

13 ulteriuras persunas sajan vegnidas blessadas da l'attatga en la metropola canadaisa. Quai rapportan differentas agenturas da novitads.

Purtret d'in auto da polizia a Toronto.
Legenda: A Toronto èn duas persunas mortas e pliras èn grev blessadas en l'ospital suenter in sajettim. Keystone

Ina da las persunas mazzadas saja l'attatgader, quel haja sajettà enturn en ina via plain vita en la metropola canadaisa Toronto. In'ulteriura persuna morta è ina dunna giuvna.

13 persunas èn vegnidas transportadas en ospitals. Pliras da quellas èn blessadas grevamain. Il motiv per l'attatga na saja anc betg enconuschent.

RR novitads 06:00