Siglir tar il cuntegn

Header

cuntegn

Exteriur Ebay porta plant cunter Amazon

En ils Stadis Unids da l'America ha il portal da commerzi online Ebay purtà plant cunter ses concurrent Amazon. Emploiads dad Amazon hajan avert contos tar Ebay per empruvar da persvader utilisaders dad Ebay da vender lur products sin Amazon.

Emploiads dad Amazon hajan per quest intent malduvrà sur onns il sistem dad email dad Ebay. Concret duajan els avair avert contos tar Ebay e silsuenter avair empruvà da persvader utilisaders dad Ebay da vender lur products sin Amazon. Quai resulta dal plant che Ebay ha purtà tar ina dretgira a Santa Clara en la California.

Tenor Ebay sa tracti dad in grond cumplot cun l’intenziun da donnegiar Ebay. Amazon n’ha betg prendì posiziun en chaussa.

Trics inschignus

Ils collavuraturs dad Amazon hajan agì a moda inschignusa ed els erain conscients che questa acziun saja scumandada. Tar lur contacts cun ils vendiders hajan els cun cleras intenziuns duvrà pleds da code, scursanidas e circumscripziuns per engrevgiar ad Ebay da chattar els via pled-clav. Tenor Ebay èsi vegnì duvrà metodas raffinadas per na laschar enavos fastizs.

RR novitads 06:00

Artitgels legids il pli savens