En la China crescha l'economia uschè plaun sco dapi 30 onns betg pli. L'onn passà ha il creschament economic muntà a 6,6%, communitgescha l'uffizi da statistica statal. L'ultima giada anc pli bass è il creschament stà il 1990. Per il 2019 quintan experts schizunt ch'il creschament pudess sa sbassar sin sut 6,5%.
La regenza communistica è surtut er inquietada pervi da la situaziun sin il martgà da lavur, nua che las pajas na creschan betg pli uschè ferm. Er vegn observà ch'interpresas targlinan cun impiegar novs lavurants e ch'il dumber e l'autezza da credits s'augmenta.
Tranter auter ha la guerra commerziala tranter la China e l'USA attribuì a la sfradentada. Suenter ils Stadis Unids da l'America è la China la segund gronda economia publica dal mund.
RR novitads 06:00