Economia greca è creschida

L'economia greca è surprendentamain creschida il segund quartal. En cumparegliaziun cun il quartal avant saja il product naziunal brut s'augmentà per 0,8%, ha communitgà l'Uffizi naziunal da statistica.

Las prognosas per l'onn 2015 n'èn betg bunas. Quai malgrà il resultat positiv dal segund quartal. Bild in Lightbox öffnen.

Legenda da maletgs: Las prognosas per l'onn 2015 n'èn betg bunas. Quai malgrà il resultat positiv dal segund quartal. Reuters

La novitad positiva fa surstar ils experts ch'avevan spetgà ina digren da 0,5%.

Intgins analists han dentant fatg attent che blers Grecs hajan cumprà dapli durant quest temp, perquai ch'els hajan temì restricziuns da transferir daners. Quai haja procurà per l'augment.

RR novitads 14:00