Il president american Donald Trump ha crititgà la reducziun dals tschains sco manglusa. Ils martgads hajan quintà che la Federal Reserve (FED) sbassia uss ils tschains pli fitg ed a lunga vista. Il schef da la FED, Jerome Powell, haja ina giada dapli laschà ils Stadis Unids a mesa via.
Gia avant l’annunzia da la FED aveva il president adina puspè crititgà la politica monetara. Trump aveva pretendì da sbassar ils tschains a moda pli rigurusa.
Emprimas consequenzas
Ils pretschs dad ieli èn crudads suenter la decisiun da la Federal Reserve da sbassar ils tschains directivs. In barrel – pia 159 liters – da la marca Brent ha custà radund 64,4 dollars. Quai è in minus da 67 cents cumpareglià cun il di avant.
Experts decleran il svilup cun la politica monetara dals Stadis Unids. Per l’emprima giada dapi 10 onns ha l’institut d’emissiun sbassà il tschains directiv. Dentant na planisescha l’institut betg da sbassar ils tschains a lunga vista.
RR novitads 06:00