Siglir tar il cuntegn

Header

Ed Milliband sa mussà trumpà.
Legenda: La partida dad Ed Milliband ha fatg ina terrada tar las elecziuns dal parlament. Keystone
cuntegn

Exteriur Ed Miliband sa retira suenter terrada

Suenter la terrada tar las elecziuns dal parlament en la Gronda Britannia ha il schef da la partida Labour, Ed Milliband, sa retratg da la testa dals Socialdemocrats.

Miliband, Clegg e Farage sa retiran

Ed Miliband ha surpiglià la responsabladad per la terrada dals Socialdemocrats ed ha gratulà al primminister, David Cameron, per sia victoria. Era il vice-primminister d'enfin qua, Nick Clegg, sa retira sco schef dals Liberaldemocrats ch'han pers passa 40 da lur mandats. Il schef da la UKIP, Nigel Farage, ha era dà giu ses post, suenter ch'el n'è betg pli vegnì elegì en la chombra dals deputads.

David Cameron che tegn ad aut ses polesch.
Legenda: La partida dal primminister ha fin ussa cuntanschì 329 mandats. Keystone

Primminister Cameron è il cler victur

Il cler victur da las elecziuns è il primminister David Cameron e sia partida conservativa Tories. Tenor las ultimas prognosas da BBC ha sia partida fatg 329 sezs en il parlament. Cameron e sia partida vegnan en l’avegnir uschia a reger il pajais senza esser dependents dad in partenari da coaliziun.

Ils naziunalists da la Scozia vegnan tenor las cifras intermediaras uss terz ferma partida en il parlament cun 58 mandats.

RR novitads 12:00

Artitgels legids il pli savens

Scrollar a sanestra Scrollar a dretga