Da nov custa in liter benzin uschia tranter 27 e 37 cents, enstagl da 18 fin 32 cents sco fin uss. Il stadi possia uschia spargnar fin 2,4 milliardas euros mintg'onn, ha ditg il minister da l'ieli egipzian. Er il pretschs per gas èn vegnids augmentads.
Ordavant aveva la regenza gia augmentà il pretsch per electricitad, aua ed il traffic public. Experts fan quitads che quai pudess augmentar la ravgia da la populaziun encunter la regenza.
Il IWF aveva suttascrit il 2016 cun l'Egipta in program da credit che dura trais onns. Quel è lià a mesiras da spargn. L'Egipta spera da pudair carmalar investurs da l'exteriur en il pajais e che l'economia survegn puspè schlantsch, suenter ch'ella è crudada ensemen la Primavaira Araba il 2011.
RR novitads 14:00