Exteriur - Egipta ha limità ils sgols en la Gronda Britannia
Las autoritads aviaticas egipzianas communitgeschan ch’ellas han limità ils sgols en la Gronda Britannia. Dals 29 sgols previs van anc 8. La Gronda Britannia vulevia trametter memia blers aviuns, quai ch'avessia surdumandà l'eroport da Scharm el-Scheich.
Avant aveva la societad aviatica Easyjet renfatschà a l'Egipta d'impedir da sgular a chasa turists britannics a Scharm el-Scheich.
Suenter che la Gronda Britannia ed ils Stadis Unids avevan speculà che la crudada da l'aviun russ sur l'Egipta saja stà in act da terrur, han pliras societads aviaticas stritgà ils sgols en l'Egipta e vulan sgular enavos lur turists.
