L'Italia para d'avair fadia da chattar ina successiun per il president da stadi Sergio Mattarella. Er en il segund scrutini, dal mardi, n'ha nagin candidat cuntanschì la maioritad necessaria da dus terzs. Las schanzas dal primminister Mario Draghi sin il presidi dastgassan però esser daventadas in zic pli pitschnas. Plirs politichers d'aut rang èn s'exprimids persuenter che Draghi restia meglier primminister en vista a la pandemia da corona. Er en il terz scrutini dovra quai ina maioritad da dus terzs. Ins po però partir dal fatg che nagin candidat cuntanscha quella maioritad, scrivan diversas agenturas da novitads. A partir da damaun basta lura il pli absolut.
audio
Las novitads da las 06:00
ord RTR Audio dals 26.01.2022.
Maletg: rtr
laschar ir. Durada: 5 minutas 18 Secundas.