«Nus temain ina participaziun fitg bassa», ha il pledader da la cumissiun electorala argumentà il fatg che la regenza emprova da far reclama per la participaziun tras campagnas d'infurmaziun e flyers gia in mez onn avant las elecziuns.
Fin uss sajan mo radund 650'00 burgais sa registrads per las elecziuns da l’october. Enfin mez zercladur, cura ch'il termin scada, spera la cumissiun da cuntanscher ulteriurs 14 milliuns participants. Sch'il tempo resta sco per il mument, fissan quai dentant be bun 3 milliuns persunas ch'elegian.
Attatgas sin centers da regenza fan tema
Il motiv saja ch'igl ha dà l'ultim temp ina seria d'attatgas sin centers da la regenza, rapporta l'agentura da novitads svizra. Tranter auter in'attatga en la citad principala Kabul, nua che 60 persunas èn mortas. Quai haja starmentà la glieud.
RR novitads 09:00