En la Bosnia-Erzegovina è elegì da nov il presidi da trais persunas. Sco quai che la cumissiun d'elecziun a Sarajewo ha communitgà fa part en il gremi Sefik Dzaforevic per ils Bosniacs Muslims. Ils Serbs han elegì il represchentant proruss Milorad Dodik. Betg pli elegì è il Croat naziunalistic Dragan Covic. Enstagl da Covic è da nov Zeljko Ksmic en il pli aut gremi dal stadi.
Il stadi dal Balcan ha in sistem politic fitg cumplex: La Bosnia-Erzegovina sa cumpona da la sutrepublica serba Srpska, da la federaziun croata-muslima Bosnia e da la Erzegowina. Per il presidi da la Bosnia-Erzegowina sto mintgina da las trais etnias eleger in represchentant. Il presidi è responsabel per la politica da l'extern e la defensiun dal pajais. Economia, segirezza interna sco er furmaziun èn cumpetenzas da las parts autonomas.
RR novitads 06:00