Siglir tar il cuntegn

Header

Navigaziun

cuntegn

Elecziuns en Germania da l'ost AfD gudogna massivamain vuschs en Brandenburg e Sachsen

Tar las elecziuns per il Landtag en la Germania da l'ost ha la partida da la dretga AfD gudagnà massivamain vuschs. Bain resta la partida regenta SPD a la testa a Brandenburg, quai dentant mo cun 26% da las vuschs, suandada da la AfD cun 23,5%.

A Sachsen resta la CDU davanttiers cun bun 32%, entant che la AfD vegn sin 27,5%. En domadus stadis han ils Verds gudagnà vuschs, dentant betg tantas sco spetgà. Els pudessan giugar ina rolla decisiva per furmar las novas coaliziuns da regenza.

Il success da l'AfD irritescha l'economia

Remartgas dad auts represchentants da l'AfD possian far empaglia il bun num d'interpresas activas internziunalmain, hai num davart dals patruns da lavur en Germania. L'institut per perscruttaziun economica IWH manegia ch'il clima cunter ils esters impedeschia che glieud qualifitgada da l'exteriur vegnia natiers.

La correspundenta da SRF, Bettina Ramseier, davart il success da la AfD:

Legenda: Guardar il video Success da la AfD tar elecziuns en Brandenburg e Sachsen. Durada 02:23 minutas.
Or da Tagesschau dals 01.09.2019.

RR novitads 06:00