Elecziuns en Gronda Britannia - Candidata grischuna batta per bun plaz

Era ina Grischuna batta da preschent per vuschs en la Gronda Britannia – a Brighton en il cirquit da Hove. Beatrice Bass sa ch’ella n’ha nagina schanza encunter ses pli ferm concurrent da la partida da Labour.

audio

Anc il davos mument empruvar da persvader electurs - Beatrice Bass en il cumbat electoral.

03:23 min, ord Actualitad dals 12.12.2019.

laschar ir. Durada: 3 minutas 23 Secundas.

Tuttina cumbatta ella per mintga vusch. La finamira da la liberaldemocrata èsi da vegnir sin il segund plaz – era sch’ella na conquista uschia nagin sez en il parlament. Ma cun il segund meglier resultat en ses cirquit avess ella lura ina buna basa da partenza per la proxima elecziun.

Creschida si a Tavau

Beatrice Bass è creschida si a Tavau nua ch’ella posseda anc adina ina abitaziun, ed ella turna regularmain en vacanzas. Sco musicista da professiun ha ella sunà en pliras bands ed è vegnida per il mund enturn.

Avant 16 onns è ella sa chasada en la Gronda Britannia, ha studegià giurisprundenza ed è sa spezialisada sin dumondas da proprietad intellectuala, per exempel copyright u patents.

RTR actualitad 08:00