Siglir tar il cuntegn

Header

Video
Johnson: «Brexit enfin ils 31 da schaner 2020»
Or da News-Clip dals 13.12.2019.
laschar ir
cuntegn

Elecziuns en Gronda Britannia ...ed uss il Brexit

Suenter la clera victoria electorala da sia partida conservativa vesa il primminister britannic Boris Johnson via libra per sortir da l'Uniun europeica. El vegnia a dumagnar tras il Brexit punctualmain sin ils 31 da schaner 2020 – e quai senza cundiziuns.

Il president dal Cussegl da l'UE Charles Michel ha ditg – che l'Uniun europeica saja pronta da negoziar cun la Gronda Britannia davart las relaziuns da l'avegnir.

Scozia insista sin referendum

La Partida naziunala da la Scozia ha annunzià da cumbatter per in ulteriur referendum d'independenza, suenter la victoria da Boris Johnson tar las elecziuns dal parlament en la Gronda Britannia. Johnson n'haja nagin dretg da prender la Scozia ord l'UE, e d'evitar ch'il pievel scot possia decider sez davart ses agen futur. Quai ha ditg la scheffa da la regenza scotta Nicola Sturgeon.

La partida socialdemocratica e proeuropeica ha fatg in resultat excellent tar las elecziuns en la Scozia. Tenor las prognosas vegn ella probabel sin passa 50 dals 59 mandats scots en il parlament britannic. La partida da Sturgeon aveva gia lantschà la votaziun da l'independenza il 2014.

RTR novitads 10:00