Siglir tar il cuntegn

Header

cuntegn

Elecziuns en Serbia La partida dal president Vucic gudogna cleramain

En la Serbia mainan las elecziuns dal parlament ad ina clera victoria per Aleksandar Vucic. Sia partida naziunala da dretga SNS fa tenor dumbraziuns provisoricas 63% da las vuschs. Cun quest resultat pudess la partida survegnir 189 dals 250 mandats en il parlament. Fin uss aveva la partida 105 mandats.

La participaziun da var 48 fin 49% munta ina clera reducziun cumpareglià cun avant quatter onns. Quella giada aveva la participaziun anc muntà a 56%.

Sumbrivà las elecziuns han in boicot da las impurtantas partidas da l’opposiziun e las consequenzas da la pandemia. En la crisa da corona ha il president Aleksandar Vucic, che maina la regenza e prenda sez las decisiuns impurtantas attratg anc dapli attenziun ch'uschiglio.

audio
Wahl in Serbien: Der Präsident triumphiert
ord HeuteMorgen dals 22.06.2020. Maletg: keystone-sda
laschar ir. Durada: 1 minuta 51 Secundas.

RTR novitads 06:00

Artitgels legids il pli savens