-
Bild 1 von 5. Benoît Hamon – . el è il candidat dal «Parti socialiste», la partida dal president actual François Hollande. Bildquelle: Keystone.
-
Bild 2 von 5. Jean-Luc Mélenchon – . il candidat da la sanestra extrema, da la partida «Parti de gauche», è al medem mument er il schef da partida. Bildquelle: Keystone.
-
Bild 3 von 5. Emmanuel Macron – . l’anteriur minister d’economia sut president Hollande ha annunzià sia candidatura sco independent il november 2016. Bildquelle: Keystone.
-
Bild 4 von 5. Marine Le Pen –. pervi da la candidata dal Front National FN vegnan observadas las elecziuns franzosas en il mund. Bildquelle: Keystone.
-
Bild 5 von 5. François Fillon –. il candidat da «Les Républicains» è anteriur primminister durant il temp dal presidi da Sarkozy. Bildquelle: Keystone.
Tant il socialist Benoît Hamon sco er il candidat independent Jean-Luc Mélenchon han communitgà, ch'els hajan en puncts centrals differenzas memia grondas. Uschia n’ha probabel nagin dals dus politichers la schanza da cuntanscher l’elecziun decisiva il matg, manegian ils experts.
Sondagi vesa Emmanuel Macron a la testa
En in sondagi da l’institut Odoxa sin incumbensa da Franceinfo vegn Hamon a far en l’emprima runda da l’elecziun il quart plaz avant Mélenchon en plazza tschintg. Tar la segunda runda vegnia il candidat independent Emmanuel Macron a gudagnar probablamain claramain avant la candidata da la partida dretg-extrema Front National FN, Marine Le Pen.
La fin d'emna è il cumbat electoral franzos vegnì pli malvulent
La fin d'emna èn daventadas duas giadas occurrenzas electoralas da Marine Le Pen mira d'attatgas: Dumengia han persunas mascradas franà e donnegià plirs bus cun aderents da Le Pen datiers da Nantes. Gia il di avant avevan radund 2'000 persunas empruvà da disturbar in'occurrenza da Le Pen a Nantes.
Marine Le Pen ha appellà a ses aderents da far adatg che las elecziuns na vegnian betg enguladas.
Il candidat conservativ François Fillon ha pretendì da la regenza da procurar per in andament regulà da las elecziuns.
La prima runda d’elecziun è ils 23 d’avrigl, la segunda ils 7 da mai.