Elecziuns Frantscha: Sarkozy sut pressiun

En il cumbat electoral dals conservativs per il presidi franzos vegn l'anteriur president Nicolas Sarkozy adina pli fitg sut squitsch.

Debatta tranter politichers franzos. Bild in Lightbox öffnen.

Legenda da maletgs: Sarkozy sut squitsch: Ses concurrents Nathalie Kosciusko-Morizet (san.) e Frédéric Poisson fan reproschas ad el. Reuters

En il segund duel da televisiun han ils set candidats danovamain cruschà las spadas gievgia saira.

Plirs concurrents han renfatschà a Sarkozy decisiuns ch'el ha prendì durant ses temp sco minister da l'intern e president. Tranter auter la reducziun da millis plazzas tar la polizia ils onns 2007-2012.

Sarkozy ha giustifitgà questa mesira sco reacziun sin la crisa da finanzas mundiala. Plinavant ha el suttastritgà da betg vulair candidar per in'ulteriura perioda d'uffizi il 2022, en cas ch'el vegniss elegì sco nov president.

Tenor retschertgas è l'anteriur primminister Alain Juppé il mument a la testa cun 34% da las vuschs. Quai avant Sarkozy che vegn sin 24% da las vuschs. Ils 20 da november nomineschan ils conservativs lur candidat l'elecziun dal president è lura la primavaira 2017.

RR novitads 06:00