Siglir tar il cuntegn

Header

cuntegn

Elecziuns Germania 2017 La AfD vegn sin 13% da las vuschs e vegn la terz ferma partida

La Alternativa für Deutschland (AfD) po sa numnar la victura da las elecziuns per il Bundestag en Germania. Ma ella na vegn probabel betg a pudair manar l'opposiziun. La SPD ha gia annunzià da furma l'opposiziun suenter ch'ella ha fatg il mender resultat suenter la Segunda guerra mundiala.

audio
Bunura: Elecziuns en Germania – daco è l'AfD uschè ferma?
ord Actualitad dals 25.09.2017.
laschar ir. Durada: 3 minutas 41 Secundas.

La AfD ch'è vegnida surtut gronda cun parolas cunter fugitivs ed esters vegn a seser per l'emprima giada en il Bundestag da la Germania.

Cun quasi 13% da las vuschs fa ella quest pass clermamain e daventa gist la terz ferma partida en il Bundestag.En tut vegnan a seser per l'AfD dapli che 90 deputadas e deputads en il parlament e radund 500 collavuraturs vegnan a sustegnair la partida a Berlin.

Manar l'opposiziun

Il pli probabel na vegn la AfD betg a manar l'opposiziun. Sulet sche quai vegniss puspè tar ina coaliziun gronda tranter CDU e SPD, quai che la SPD ha gie exclus e quai che nagin spetga, lura fiss la AfD manadra da l’opposiziun. Alura avess ella adina l’emprim pled suenter la regenza ed il dretg da metter plirs presidents da cumissiuns.

Nagina cunfinaziun envers neo-nazis

La partida da l’extrema dretga n’è per gronda part betg sa distenziada envers il naziunalsocialissem. Betg tut ils represchentants da la AfD valan sco extrems da la dretga ma il spectrum da la partida tanscha a la dretga senza auter fin ils neo-nazis.

RR actualitad 08:00

Artitgels legids il pli savens