Cumbat electoral è auter ch'en Svizra

... però questa giada, almain fin uss, er betg enorm interessants. Uschia l'analisa dal professer per politica d'Europa a l'universitad da Berna, Klaus Armingeon.

Davonvart in placat cun si Angela Merkel, davosvart in zic turbel in placat cun si Martin Schulz. Bild in Lightbox öffnen.

Legenda da maletgs: Martin Schulz ed Angela Merkel: Ils dus protagonists principals sin ils placats per il cumbat electoral. Keystone

Il cumbat electoral en Germania pon ins cumparegliar cun quel en Svizra, cura che politichers e politicras cumbattan per in sez a Berna en il Cussegl naziunal. En Germania vai per in sez en il Bundestag a Berlin. Omadus cumbats èn tenor Klaus Armingeon plitost lungurus.

«  I dat bain placats, i dat bain occurenzas, ma propi bler na capita betg. »

Klaus Armingeon
professer per politica d'Europa

E tuttina n'èsi betg il medem. En Germania saja il cumbat in zic pli intensivs, vul dir dapli placats, dapli pleds da politichers e dapli occurenzas publicas. Il motiv n'è betg che la Germania è simplamain pli gronda, mabain ch'ella n'è betg ina democrazia directa sco la Svizra cun votaziuns dal pievel.

Uschia surdattan Tudestgas e Tudestgs mintgamai per quatter onns l'entira responsabladad da decider als parlamentaris a Berlin. Perquai s'engaschian ils politichers pli fitg ed er la glieud dettia dapli attenziun al cumbat electoral, uschia Klaus Armingeon.

sis placats, trais sura e trais sut, dal cumbat elecotral en Germania Bild in Lightbox öffnen.

Legenda da maletgs: Ina schelta dals placats dal cumbat electoral per il Bundestag. Keystone

Las differenzas mancan

Ch'il cumbat electoral 2017 n'è betg propi interessant ha in motiv principal. Las duas pli fermas partidas CDU ed SPD mainan dapi onns ensemen il pajais. Per il cumbat electoral emprovan ellas puspè da sa differenziar. Quai n'è però tut auter che simpel areguard il fatg ch'ellas han decidì communablamain ils ultims onns.

La CDU accentueschia in zic dapli la situaziun da la classa mesauna e la SPD quella dals pli paupers en la societad. Quai sajan però era gia las grondas differenzas, manegia il professer per politica d'Europa.

Placats dad Angela Merkel e Martin Schulz vid in pitga cun tavla da parcar ed inscripziuns. Avrir maletg en lightbox.

Legenda da maletgs: Cuntanscher uschè bleras vuschs sco pussaivel è la devisa. Keystone

Tgi ri giu dals placats?

Perquai che las differenzas programmaticas mancan è il cumbat electoral plitost persunalisà. Quai vul dir en ils singuls districts electorals chatt'ins er fatschas da la regiun. Tudestgas e Tudestgs pon numnadamain dar duas vuschs, ina da quellas ad in candidat dal district che vegn lura elegì directamain en il parlament.

La segunda vusch va ad ina partida. Quellas èn impurtantas per las maioritads en il parlament. Ed uschia rian lur er principalmain Angela Merkel (CDU) e Martin Schulz (SPD), ils dus candidats per il post da chancelier giu dals placats. Las duas fermas partidas dastgan numnadamain proponer al parlament in candidat per il post da chancelier.

RR actualitad